qui Tang Tacio Inaprobaran na palan kan junta provincial an Supplemental AIP No. 2, na kaipuhan tanganing maka-realign kan 20% Development Fund, an fondo na iyo an pigaharian nin…
Tag: isip-isipon ta
Masuerteng mga consejal
An hapot man sa mga barangay nin Virac, ngata daa ta bakong parareho. Iguang tolong kilo, an iba lima, an iba duwa iguang cabanga. Masabotan man daa cotana kung pariwanagon nin barangay kung duwang kilo hari sa sainda y an dagdag hari man sa municipio, alagad dae man pigapasabot an natawan na familia.
Mga pakinabang sa COVID-19
Dae nang bulang, kaya hanggang himas na sana nin maldos an mga adik sa sultada y derby. Magbakal sana daa tabi nin limang tablang paracetamol ta tibaad calenturahon kamo, he! he! he! Dae nang irinoman sa luwas, masque sociedad bawal, ta tibaad makakua ka nin coronavirus sa patagay-tagay. Mas mayad bang itago na ngona an Ginebra, lalo na kung maubos na an tagong alcohol. Ta an gabos na municipio madeclarar na nin curfew, kaipuhan nasa harong na an gabos bago pa mag-alas nueve. An mga mainom nin patago o mabisita sa Calle Mabole nin dis-oras, dapat alas cuatro gapoon na.
Maloleng na sana, ipinanghagad pa?
Magayon daang basahon an laog kan cellphone kan dating candidatong congressman, Aduman daa an saiyang mga text message sa magcapirang inhenyero sa DPWH, an bangko nin mga congressman, he! he! he!
Nakabasa pero dae nakasabot
An kamumundo sa bagay na ini iyo na talagang dakul na an mga aqui na batid man cotana magbasa alagad masakit makasabot. Madarakula man an mga ini, sige sana an boto sa mga daeng camogtacan na mga candidato basta iguang paikim, he! he! he!
Pabor sa mga agom an nCoV
Pabor ini sa mga esposa na namroblema sa mga boltok nindang mga agom. Siguradong dae na ini mapunta sa Calle Mabole para mag-washing ta matakot an mga ini magcaigua nin sarabay na sip-on, nônô sa daculang payo, nônô pa sa saday na payo, he! he! he!
Mga daeng pagmangnong mga contratista
Cotana lamang daa, sabi kan mga ciudadano, pasunodon an saendang mga contratista sa tamang procidimiento sa saendang mga proyecto.
Binarangabanga na an balyena?
Segun sa sarong pilyong chismoso, marinas man daa cotana an ginibo ni Boboy, tanganing magin duwa an gobernador. Dati na daang duwa an congressman, kaya lalong maasenso an Islang Maogma ta duwa na an gobernador, he! he! he!
Libreng habhab sa New Year’s Call
qui Tang Tacio Iguang reclamo si ex-future congressman Horacio Villarete kan Panganiban. Segun sa saiya, nagaba an sarong parte ning bag-ong haman na river control project kan DPWH duman sa…