(A reprint from last year’s BURABOD with little modifications)
hinapot ako ning amigo
kung saen ko nakua
ang FOUNTAIN OF YOUTH
harawig ang simbag ko
hare ako sa kapobrehan
mga magurang dukot sa simbahan
nailo sa ama at 9, naki surugoon
para ice cream, newsboy, baggage boy
market boy, self-supporting student
nalaog ko ang daghan ning academya
janitor, clerk, secretary to the president
pro, college and board secretary
coordinator of student affairs
assistant professor & theatre director
hablon-dawani, ranga, banhi
pilang beses nadapa sa pagkakasala
pilang beses hinampang ang kagadanan
kung sa orkestra, inagihan ko ang mga
crescendo, diminuendo, ff, pp, andante, etc.
pero padagos ang pagtugtog kang buhay
sa maogmang harmoniya
ngonian retired, balo, hardinero, katekista
ama ning 3ng aking iguang sadileng pagbuhay
yoyoy ning tulo, iyoy ning magkapila
ninong ning kadacol sa bonyag o kasal
manoy ning ginatos na naging kailiba
sa escuelahan, simbahan o kanatad
tatay ning mga aki ko sa teatro
and I am a happy and contented
young-looking (hehehe) man at 82
ta nakua ko ang FOUNTAIN OF YOUTH
sa puso kong naka-ugat ki Kristo
ang naheling ko sa inagihan
karinasan ning mga tawo saka
kagayonan ning kapaributan
buda kung ano ang ginibo kong
makatuwang magpagayon ning kinaban