Saen ka man inanod
Kang libud-libod na pangum-um:
Pahurunutan kan saimong siningutan
Ning mga usmak na mangangamkam. . . .
Sarung rinting magparakpatak
Ang mga tikas biyong nagtiliparak
Sa higup-higop ning kasusupgan.
Iyo, sinda ang dapat masupog!
Bacong ika ang dapat magsuko;
Bacong ika ang dapat magtago!
Tapos na ang kabanggihon . . . .
Ga batak na ang paglaom.
Babaying inapi, pagbangon.
Ga banaag na ang silangan;
Tarik` di na ang kadurman;
Atubangan na ang kinaban.
Nakua na an saimong ginaha;
Hilnga, tagbua, kugosan na!
Bangon, bangon na, Esperanza
(Published in the Tribune’s Jan. 28, 2009 issue)