kung bacong dahil sa mga milagro
ngata ta buhay pa ako?
pagka kinaskas kang naka aging taon
agosto kang ma COVID
sarong semana sa ebmc
nakalibre!
septiembre, mag atake
ang puso, baga saka bato
inadmit sa ddh sa albay
(limang aldaw sa icu)
pilang kagadanan ang
inagihan saka nalampasan!
sagcod ngonian padagos
ang dialysis, 3x lambang semana
sa samong kaluyahan
lalong kapobrehan
pano mi nasusustentuhan
ang pagpadagos ning buhay
kung bacong sa URAN ning
mga MILAGRONG
padara ning langit?
DIOS MABALOS
sa mga tawong sagcod ngonian
dai ga sawa sa pagtuwang
kung dai kamo
dai mi maisip ang pagsugpon
kang samong pangangaipo
salamat sa sainyong pagkamoot!
enot sa gabos…
ang sakong pagOMAO asin
DAING SAGCOD na paSALAMAT
SA DIOS NA KAGURANGNAN
sa REGALO NING BUHAY!
dahil sa Sainyang pagkamoot sako
ma-84 na ako sa junio 18, domingo
DIOS MABALOS KAGURANGNAN!!!