sobra ang barahaan
sa mga lugar na dating
dai piga-baha:
mindanaw, kabisayaan
brazil, australia,
thailand, china, america:
mga harong na piga-aranod.
mga autong piga-alastra ning surog.
mga tawong gaka-burotod!
pero, harat, ngata ta
iguang parte ning australia
na gakarab-katab ang kapungkuhan?
Ang russia na pagkariniput,
huminalangkaw ang temperature;
Dangan, su ibang disyerto, piga-yelo.
pagcambyo sa clima? (ano man an?)
pagbarus ning natura sa sobrang
pag-abuso ning tawo sa mga pungko?
(ngata man?)
ang katapusan ning kinaban
harani na? (aru dian)
kung bacong “el niño, la niña”.
kung bacong dagang gabaratak
garagasang macusog na baha …
ano na ang masunod?