panghambog na laguerta
magayon na mga orkidya
mga piling masitas pa
bubong na maluya
kahoy buda nipa sana
anong itumang
sa maisog na panahon?
bagyong pagkakinusog
hagubuhub na nakabungug
anong magigibo ning tawo
kundi ang gabos isa-Dios?
hagusuhus huminupâ
laguerta dapâ sa dagâ
rinupigan su mga orkidya
binilibid su iba pa
pero su
bubong na maluya
tisong nakatindog
sa langit nakatingarog
“milagro”
hinghing ning puso
salamat, salamat
Dios mabalos!
sa Saimong pagkamoot
patawad, Kagurangnan
kang sakong kapaabaw-abawan!