Katatakot kang rampahog
Kang color-duging sarog.
Ga sagiwisiw ang kasurgan;
Mina rukot sa pika-rikuan-
Biyong ga arimbukad ang karibtongan!
Hilinga ta baging piga kawatan
Ning pagka kinusog na surog
Ang kaglakurang katrosohan;
Paga bangga sa bato, mina turu-taribong;
Dangan haharunon ning higanteng libud-libod;
Ma utwar; ma rigid-rigid; ma ikot-ikot-
Baging ga sarayaw na mga burtok!
Ay, inanod na lugod
Su mga tinambak na basud
Na pilang bulan nang kinaycay
Ning mga buldoser ni papay.
Sayang su mga ginastos ni Tang Juan!
Sana dai man
Ning ma-anong katawohan
Na ga ilok sa kapungkuhan.
Dai sindang ibang kasaran
Kundi ang kaprobrehan.