burabod | efren ETASOR sorra:

ANG BAGONG RESOLUSYON

gumibo ning harabang sagurong

hare sa burabod sa pungko

diit-diit, oras-oras, huway-huway

daing tunong…. uru-aldaw

 

ang mga butong surugponon

igacot sa mga parías ning baragon

sagcod maka-antos sa harong

ang tubig na hare sa tahok ning bukid

 

hagyanan ang halangkaw na Harong

kang kabanalbanaleng Kagurangnan

ning daing tunong na pagdasal

saka pag gibo ning kadayadan

 

tanganing magburos ang Sainyang yaman

sa satong pobreng kabuhayan

sa gabos na panahon

 

magraot man

o magmarinas

ang kamugtakan

Leave a Reply

This site uses Akismet to reduce spam. Learn how your comment data is processed.

%d bloggers like this: