bugtong na aki si nanay
nila modesto talla, taga tarisoy
buda tomasa arcilla, taga banwa
pinadacula sa simpleng pagbuhay
naka agom, nangaki ning anom
nanaraday kang panahon ning hapon
nabalo, treseng taon pa sana su kagurangi
nasangkuban ning katatakot na kadur’man
pan’o bubuhayon ang pamilyang yaman
ang natud’an sana, mga trabahong pangharong
suknong ang macusog na determinasyon
binatlay ang madurum na kabanggihon
labandera, pagtahî, nanilâ sa hunasan
o kung anong trabahong makakayahan
pirming maogmahon apesar kang pagsakit
gasimba aga-aga, trabaho bilog na aldaw
kung banggi, para-poon ning dasal
o makihuruntahan sa kaakian
solong kinarga gabat ning pagpamilya
sa daing pahutahut na isog ning boot
ta sa ilarum ning puso, namate niya
ang mahal na Dios katuwang niya
nunca naheling sa pamahuspahus
ang pitik ning sakit sa pisngi niya
buda sa mga aki, ang pacusog niya –
“aim high and hit the mark”
nagbunga ang sainyang mga tataramon
mga aki nakatapos ning pag adal
pero bago niya manamitan
bunga kang sainyang kapagalan
kinua na siya ning Kagurangnan