efren ETASOR sorra
libud-libod
macusog na surog
pailarum, pailarum
taong initaas sa ngaran ning pagkamoot
pansadileng hugot: yaman, kapangyarihan, kabantugan
nag-adal ning halangkaw na todo
tanganing makasirve sa tawo
inanod kang surog ning negosyo
naringwan su misyon na totoo
magurang na nagbaya sa familia
sa paghanap ning kuwarta
hinaron ning kinaban
nagtiliparak su kaakian
binayaan pungkong ginicanan
nagtugdok ning torreng halangkaw
sobrang toron dai na matan.aw
mga libud-libod na macusog
sa satong kapaributan
minaturmod sa kasaladayan
sa mapurut na kadugi.an