anong gayon kang mga puru-pungko
sa baybayon ning talisoy.
hilnga hare sa barko,
lalo na kung honas boda
lantong ang Habagat-
ta hona mo, obrang maestrang
inukit ning bantog na escultor
sa halawig na panahon.
butusa ngani ang mga detalye;
perfectong mga curuada,
makinis na mga canto,
hararum ma diseno
na tiniktik-binag-id
ning tiyaga & pagkamoot.
naiiba ang sainyang color,
puting ga maris-maris
na pinakintab na totoo
kang hapihap ning taob.
sisay daw ang tawong
igwang pusong tapuson
ining pinun-an na escultura
tanganing magi tang pamana
sa maabot na generasyon?