masdi ang bulalangaw
na mina-arko sa kalangitan
kung biglang mina dar-um
ang banaag ning kaardawon.
bakung ang gatao kaini
ning kulor na sari-sari
iyo ang tagisti
na gikan sa dampog
kung nasidlangan ning aldaw?
matea daw na ang gayon
kaining buhay, lalong minalangubo
kung ini nababaribhi ning mga luhang
gikan sa tunay na daghan?
bulalangaw, bulalangaw, bulalangaw!!!
ginibo ka ning diyos na kaglalang,
tanganing ipagilumdum sa katawuhan
na ang magayon na buhay
hinabur na kasakitan asin kaogmahan