kunop ang kinaban
ning mamundong panganudon
pero imbes na magburos
ang macusog na uran
nataritis ang panganudon
ning maripot na amihan
kaya su uranon na pigalaoman
naging tagisti sa subsuban
ay, ta sa silangan
dai nabawalan
ang aldaw magsilang
kaya hilnga ang milagro
pitong color na naging arko
na nakatugmad sa kadagatan
sagcod sa kapungkuhan
buhay na mga color
violet, indigo, azul
bierde, yellow, orange
saka pula
maogmang ilibahan
daing laramangan
minagayon sa silang ning aldaw
sa maripot na tubig
na guminican
sa sungaw ning kinaban