silenciong maisog
nakalugad, nakabungog
maculog!
dahil sa culog
nataw’an ako ning cusog
balikan ang mga dalan
na sakong inagihan
tungkadon ang karadman
tibaad nakatago duman
ang mga kasimbagan
ano ako sa pagmate ning iba?
mga karinasan ang tuyong binabalikan
mga pagomaw, mitsa ning kaogmahan
sa pagmaw-ot mangyari ang asa isip
minacusog ang pagpahalaga sa sadile
estriktong gurang, aroganteng director
sabi kaso aking ‘angel’, “angry old man”
mga matarum na dila
mga pagmateng sala
gakarungkatong na lata
ego…..ego….ego….!!!
mga anino ning pagtios
ringaw na su Dios!
salamat sa silenciong maisog
namate ko na ako sarong pisog
magiging matimgas para sa gabos
sa tabang ning mahal na Dios
patawada man tabi ako
mga tawong na napaculgan ko
tabangi man ako tabi
magsarig sa Dios pirmi
tanganing ang taon 2023
maging mabunga para sato