kauumok suysuyon
ang mga gilâ ning pagkamoot
ning mahal na Dios sako
tinaohan ako ning agom
na inako ang sakong kapobrehan
tinaohan ning mga trabahong
uyon sa mga regalong talento
magtindog sa katotoohan
magsabwag ning kagayonan
magtuwang sa mga estudyante
magsirve sa simbahan
kang naging bôa
sa palakpak ning kinaban
inapod nya ako, pinadlos ning cruz
dangan kinarga sa abaga
kaya naging dayupot sa pagsunod sainya
dinara sa tamang dalan –
dalan ning kapakumbabaan
simpleng pagbuhay
pagomaw sa Kagurangnan
pagakô sa kagadanan
pinamugtak ang mga aki
sa maninigong trabaho
tanganing maipadagos
ang pagsirve sa tawo
kauumok talaga
ung rinas sa daghan
ang pagmate ko
maogma maski pobre