sa punta ning tagungtong
ang barko mina taguy-ong
sa tampad ning dalacurang bato
na baging mga daan na manumento
ang kantong ini iyo ang tagbuan
ning silangan buda subsuban
kaya ang alpadura ga saralpukan
sa kahaputan ning mga dayuhan
kung inano ang islang catandungan
ang tagungtong mina taong kasimbagan
baging escarlatang ga lataw sa kadagatan
duman sa ga hareng kababanwa
ang tagungtong igwang tugon sainda
na saen man sinda makapunta
dai pagring’wan ang gayon kang isla
para sa mga gaparibud sa probinsya
ini ang enot na minacugos sainda
kaya sa paghapihap nya sa mga ginahâ
biyong mina uwang-uwang ang lancha
ang punta ning tagungtong
dai dapat katakutan
ang piga hunang isog ning dagat
sa katotoohan init ning pagkamoot
kang Inang Catandungan