pila nang bagyong macusog
sa satong isla ruminampahog
daing ibang nadadangog
hagubuhub na nakabungog
ripot…. takig….
takot…. kurugkutog….
nasasangkuban ning kadur’man’
daing ibang masasandigan
pagsarig sa Kaglalang
Kagurangnan! Kagurangnan!
mahelak… kahelaki man
patawad, patawad!
kibrat ning kikilat
silyab ning paglaom
rinting minaparakpatak
daging ning pagtubod
sa lambang payag na nauyag
batong harong ang minatindog
lambang abacang duminapâ
sobrang pito ang mina-usbong
catandungan; masarig!