efren ETASOR sorra
antes mang-atom ning iba
porbahang bilikon ang mata
i-focus sa saimo man sana
nganing maheling ang totoo
mga nakatagong pagkatawo
tibaad grabe kang masil-ipan
na mga sikreto mong ataman
na binaduan ning kahambogan
ga silak-sigak sa kaplastikan
ginahang sayod ning kabubuwaan
maski inano mong tago kaan
mabasang sanang pusngik an
sa sarong sabrit ning katotoohan
kaya imbes mang-atom sa iba
mag gibo ka na sana
ning ika-ayad sa sainda
irespeto ka pa ninda
dangan dai ka na magsawâ
sa pag gibo ning tamâ