pisog na nag gin-it
duminacula sa pangataman
ning pagkamoot
uminagi ning mga
padlos ning panahon
pagtios
pagsakit
kadaihan
imbes maghungay sa kadaogan
lalong tumindog ang isog
imbes harunon ning kadur’man
nagturon sa banaag ning ilaw
baging bulawan
na pinakintab
sa karabkatab
ning maisog na kalayo
naging matimgas na banhi
uhay na pano ning buhay
padagos sa pagsabwag
ning kaogmahan
para sa katawohan…..
b u h a y ……