saro kang mga namatidan ko
sa dalan ning NEOCATECUMENADO
“pray without ceasing”, lalo
sa mga masakit na panahon
pilang kagadanon ang hinampang
sa haros sarong buLan sa ospital
(limang aldaw sa laog ning ICU)!
iyo, mga espesyalista sindang doctor
sa puso, sa baga, sa bato, etc.
pero sa pagmate ko, igwang dimension
na dai kayang abuton kang saindang
kabatidan sa helang ning tawo
na nasa kamot sana ning mahal na Dios !
kaya dai ako nagtunong pagdasal
nakimalak na taw’an pa
ning buhay
sa lambang paga dialysis o
iba pang medical procedure
nakimahelak na sana ianod na man
ang mga causa ning sakong paghelang
tanganing makaparibud na sa harong
dindi sa makahoy saka maburak
na “laguerta ni Sonia” sa hayupohup
ning freskong hangin hareng dagat Pacifico
nagtugot ang mga doctor na maka paribud sa isla
pero “from hospital-to-hospital” sakay sa ambulancia
dai dapat maghare ning oxygen.
tinipon kung pila su mga bayadan sa ospital
na sobra sa kabangang million
sagcod su kapot na cantidad, kadak’lan
donasyon ning mga grupo o amiga/amigo
kulang pa su cuarta
kang magapod ang sarong oficina
pigapa submit ning pilang papeles
tanganing marelease su hospital aid ko
kaya na punu’an su balanse!
tolong aldaw bago magbiyahe sa ambulancia
igwang “good news” su mga doctor, dahil daa sa
resulta ning gabos na laboratory, pwede nang
deretso sa harong, baco nang sa ospital!
milagro, mga milagro!
totoo, ang mahal na Dios, dai gapabaya
minasimbag kang satong pigahagad
sa tamang panahon! sa tamang panahon!
Dios mabalos sa mahal na Dios
salamat sa mga amigo, mga grupo
na nagdarasaL sagcod nagtao
ning cuarta para sa sakong pangangaipo!