gabos na tawo tinaohan ning dunong
tanganing mabuhay ning matiwasay
iba ang dunong ning para-cagot
sa mga para-hag’ot
iba ang para sa mga para-oma
kaysa mga obras ning tinampo
iba ang dunong ning mga maestro
kaysa mga pulitico
pero sa pagmate ko
mas dacol ang dunong na tinao
sa mga para-banwit sa lawod….
hilngon ang panganudon
kung mayad o paraot maglawod
hilngon ang mga bitoon
kung nuarin masubad ang kasilaan
makilaban sa mga alpadura
pag inabot ning maraot na panahon
hanapon ang bahura* sa kadacuLaan ning lawod
tanganing macua ang estada ning kasilaan
—————————————————————————————
*Bahura – pagkadinaculang bato sa lawod na piga-estaran
ning mga sila sa lawod; pigsasabing sa lambang bahura
ibang clase ning sila ang ga-estar