du-aw
pagbisita sa kapamilya
parientes o amiga
pagpacusog ning pagkamoot
pagheling ning kamugtakan
pagtanos ning direksyon
ning ginahang nalaog sa dalan
Ilistoryahan na daing katapusan
magsa pantaw na mahayahay
sa harampangan ning kaonan
sagcod sa piot na higdaan
atâ, ultimong mga hagong
hona mo korong gasaranungan
harâhâan, harâhâan, hararâhâan
sa halawig na huruntahan
napilâ ang mga hayag na lugad
natunaw ang mga tagong hinanakit
nabuhay ang macusog na daramayan
pag abot kang pagbururagan
nalabanan ang kapungawan
sa pangakong otro magahelilingan
sa ibang lugar, sa ibang panahon
du-aw
maogmang mabunga