tarakud-takod sa motor yamaha
sa enotan, si abeth casi nennen
sa rikudan, si peachy casi mama
sa tahaw, ang driver, ako
kang elementary pa sana ang mga aki
pirmi kaming ga ilibahan
magpa escuelahan, pa simbahan
o maski saen man
kaya binansagan ning banwa
ang portable familia de sorra
dangan nag high school na
duwa-duwa na sana sinda
lalo kang mag college na
kanya-kanyang oras na sana
nag-graduar, nagka-trabaho
nagkaigwa ning sadileng buhay
sa legaspi, manila, davao
su inâ, nagbiyaheng pa-langit
dai nagtugot ang Dios
magsolo ang amang balo
pinabalik ang nasa harayo
ibahan ang amang ga solo
ngonian, bururag man kami
pero sararo ang boot ming
pinatibay na portable family
sa harong na dinaculaan
ang palasyong payag sa valencia