efren ETASOR sorra
dahil sa saimong “FIAT”
namundag ang BITOON sa kinaban
na pinadurum ning kasalan
nagburadbukad ang BURABOD
na awat nang pina-ak
ning korapsyon ning katawohan
nagvuelta ang kagayonan
kang samong paraiso
na nawara ni Eva kasi Adan
birhen na modelo ning pagtubod
tutur-i man tabi kami
kung pan-o maghemate
sa hinghing ning angel
rawgaw na tabi kami
sa ribok ning kabubuwaan
kang mga asa kapangyarihan
boda paghanap ning sobrang yaman
maw-ot mi man tabing
maka arog saimo, na
sa pag-oho sa Katotoohan magkaigwa ning kaogmahan
sagcod tunay na katoninongan…. amen