ang pagkatawo naheheling
sa ginikanan
sa giok
sa gibo
sa pagtaram
kung gustong discobrehon
ang tunay na pagkatawao
ning candidato….
hilnga ang grafologia
kan saiyang ginikanan
poon sa kamagurangan.
suysuya man an giok kan dalan
na sainyang ginikanan
lalo na su mga sungkiob
ning importanteng desisyon.
mas’di ang sainyang gibo
tanganing mag-asenso:
makasadile o makatawo?
dang’ga ang sainyang pagtaram
sa sainyang harong: sa magurang,
tugang, agom, aki, mga katabang.
masdan pa ang lenguahe
kan sainyang ginhawa –
ang gabos nyang hiwas
lalo na ang mata.
sa harmonia ning ginikanan,
giok, gibo saka pagtaram –
masusundalisay
ang totoong retrato
ning tawo.
ano ang saimong candidato:
tawo o kabayo?