kwartang pigatipon –
ginatos, rinibo, minilyon;
daing tunong ang pagtipon.
aldaw-banggi puro trabaho –
ultimong ginhawa pigalampaso;
napabayaan familia boda kapwa.
mga kwartang tinilipon –
bagang gaararimbukad
na naging sulong kagaratabkatab.
baging mga de-color na kwitis,
minaparatakpatak sa kabanggihon;
magayon kutanang paghilngon;
pero, pakatapos nin ararintabo
daing ibang natada kundi mga aso
saka agrangay ning naput’kan na tawo.