ang idea ko ning katedral
kang magka-isip na ako
simbahan na maogma
pano ning pagkamoot ning Dios
ngonian na otsenta años na ako
nagka-totoo su mga nasa isip ko
pero sumubra pa sa pangaturugan
hilnga ang satong katedral
sa luwas, ordinaryong simbahan paghilngon
pero kung saimong lalaogon
ma-laad ang banal mong kamatean
dahil sa santisimong kagayonan
sa altar, ang retablo kang resureksyon
saka mga imahen kang satong mga patron
si Sta. Maria Imaculada, saka San Jose
napapaributan ning mga anghel saka kerubin
ang doseng mga apostles sa lambang poste
dangan ang mga retrato kang mga estasyon
(station of the cross)
saka mga anghel sa puerta-mayor…
ah… ang mga kisame
lalo na sa itaas kang altar
kung haen ang katedra –
ang setro kang Obispo bilang
pamayo kang local na simbahan
magayon na choir loft, portico
sagcod iba pang etcetera
dai paga-honaon na ang pobreng isla
magkakaigwang arog kaining katedral
sabi ning sarong gurang
ang kayamanan kang satong isla
dai nasusukol sa cantidad ning cuarta
kundi sa simbahan na masisilongan
sa mga ragasa ning modernong panahon