Gilomdom ko kang aki pa ako
Ang satong kapungkuhan
Pano ning kakahuyan.
Bako sanang kadlakura,
Pero sobrang kadlakura,
Mga rikos ning pilang katawohan.
Mga bâhaw, mga burabod buhay na buhay
Kaya ang isla pirming mahayahay
Saka maogma ang satong pagbuhay.
Gilomdom ko kang soltero na ako
Bigla sanang nagdoruong
Mga pang altamar na barkong bahur-bahur.
Hinakot su satong ka-trosohan, kauwayan,
Sagcod su satong kabuhayan.
Wara so satong kabukudan.
Hubas na so satong kabâhawan
Pati so satong kaburabodan.
Maaningahot na ang kapaributan.
Sisay ang igwang kasaran…
Su mga para-oring sa sitio?
Su mga para-raha sa baryo?
Mga naka-bisikletang ga bog-ong?
O mga poderosong naka-barong?
…happy earth day!