habang piga butos
mga obrang pintura ko
naglaog sa boot
ining paghurop-hurop
BULANON
sa labing kasakitan
nag agrangay ang katawohan
kang biglang nagkibrat
mga espada ning kariwanagan
ranga! ranga! ranga!
BA.HAW
nabuhay ang mga burabod
naging sapa, naging sarog
naging macusog na surog
naging ba.haw
luminampaw mga mapang abaw- abaw
nagsinub su mga mahuyo ang boot
sa ribtong ning kapakumbabaan
tanganing maghagad ning tawad
sa Dios na pinagkasalaan
padagos ang surog
linigan mga sungki.ub
sapa, sarog,sabang…..
DAGAT
kadaculaan… kariwang’gan
pagkasararo!
gabos pantay-pantay
daing mayaman, daing pobre
daing mapangyari, daing naapi
gabos naging ilaw
gabos naging asin
presencia ning Kagurangnan!
sarong banwang
sararong nagbatlay
pasiling sa Dagang Panuga
sinudo! sinudo! sinudo!
……………………………………………..