sa kagustohan ning mahal na Dios
na iligtas ang mga tawo
dahil sa pagkasala ni Eva
nagpili siya ning sarong babaye
sa bilog na kinaban
sa laog ning pilang dantaon
dangan pinano siya ning gracia
poon kang siya ipinangidam
Maria ang ngaran
aki ni Joaquin kasi Ana
namundag asin nagdacula sa Nazaret
tangani segurong irikay
sa mga padlos ning kinaban
pagabot kang tamang panahon
sinugo ning Dios si Gabriel na Arcangel
na ipahayag ang kabot’an ning langit
na siya ang magiging ina ni Jesus
ang Mesias
ang simbag ni Maria, “FIAT”
Fiat
ang naging dalan ning tawo
papunta ki Jesucristo
ang Dios na naging tawo
tanganing, sa mga magtubod
kaining misterio ning encarnacion
tanganing makaabot ang tawo
sa pangakong Paraiso