sisay man akong
sangkuban Mo ning pagkamoot?
namundag haros gadan na
binuhay kang angel na Saimong pinadara
si nang ingang partera
pilang pagkakasala ang naginibo
pero namate kong pinatawad Mo?
pilang kagadanan ang inagihan
sa paglaban sa kapobrehan
sagcod sa pagpahayag ning katotoohan?
ah…. dai ko na mabilang ang mga graciang
regalo mo sakuya!
namate ko ang Saimong pagkamoot
sa mga angel na sinugo Mo
tanganing matuwangan sa pagbatlay
sa dalan na minunda Mo para sako
namate ko sa daghan
ang dai maparing na Ilaw
hare sa Saimong kadunongan
ngonian na 83 años na ako
taohi man tabi ako ning cusog
na magpadagos magbatlay
pasiling sa Destinong itinatalaan Mo
ini ang pakimahelac ko, Dios ko
sa ngaran ni Jesucristo
A M E N !