pilang bariles na tubig
ang kayang inumon
ning bahur-bahur na kahoy
kung tiempong mauranon?
kaya dahil sa tubig
ang kahoy lalong minacusog
magtumang sa bagyo;
cugoson ang daga sa mga parias
sagcod ang pangpang ning sapa.
dangan, kung minainit
diit-diit ga luwas ang tubig:
iihi sa kasapaan
nganing dai mahubasan;
ising-ut sa panganudon
nganing maging uran;
ihangos sa kapantayan
nganing ang tawo mahayahayan.
ya kung ang kapungkuhan
inaranitan ning kakahuyan
ta pignegosyo ning mga poderoso,
ano ang aabtan ning tawo:
bagyo, deluvio, disierto?