kaoomok pag namagang
sa samong honasan caidto;
hilimbutan ning isisilang pangudtuhan.
igwang namungkang, nangugita,
namunpon ning muting, saháng,
latô, lawing, sagcod gulaman
nangik-ik sa kamariwbariwan,
nanimâ sa mga kakurapuhan,
nanglalaya sa bukahan.
su mga aki, namanâ ning pasû,
ilid-ilid, bagtak, tandaingan
sa mga tibû-tibông halababaw.
pero, su mga parabuso, huto –
nagguristob nang pasurusin-ub
sa hararum na mga sungki-ub.
balang saro, igwang gibo –
bacong cawat, bacong trabaho
kundi pag-acô ning gracia
sa honasan na maogma.
Published in CT on Jan. 30, 2013