Kling-kling! Kling-kling! Kling-kling!
Klang-klang! Klang-klang! Klang-klang!
Ka… blummm! Ka..blummm! Ka…blummm!
Buunnnggggg! Buunnnggggg! Buunnnggggg!
De-ruedang mga bagtingan sa samomh simbahan
Saday, duru-dakura, dakura, kadakura –
Mga tanog ninda mangiba-iba,
Pero pag minakarawat sindang durungan
An samong kampanario biyong minasayaw.
Misa-cantada, bonyagan, kasalan:
Gahararahaan ang mga bagtingan.
Mag-gurang, mag-aki ubos maugma man;
Buhay na buhay ang samuyang simbahan.
Kung ga selebra ang samong Patrona
Samong kampanario lalong maugma –
Sagitsit ning kwitis
Ragubnob ning bomba,
Musikang Diana sa bilog na banwa
Ugik ning orig, torotot ning aki,
Maugmang buhay sa samong parokya.
Buunnnggggg! Buunnnggggg! Buunnnggggg!
Haen na su matiling na kilng-kling?
Dai na man su kurahaw ning klang-klang;
Wara na naman su malagong n aka-bluummm!
Nagdacur ngani su mga karasalan,
Lalo na su mga piga-burungyagan,
Misang cantada grabe man ngonian
Pero an samong kampanario,
Ngata ta pirming silencio?
Ah, maugmang kampanaryo
Kang aki pa ako…..
Madadangog pa daw kang mga macuapo ko?