Caidto ang apod sa fiesta, celebra:
Pagcelebra(r) sa kaaldawan kang patron,
Ang aldaw ning daculang kapasalamatan
Sa pangangataman ning Kagurangan.
Mariwanag ang bailehan kung bespera
Ang tugtog bacong plaka kundi orchestra
Sa pasadoble, tango, rhumba, chacha,
Apalachicula, sweet, maging pantomina,
Pasilikatan gurang, soltero y daraga.
Sa aldaw ning celebra,
Diana, pagbatak ning maaga.
Kasabay sa musikang marcha,
Macusog na ugik ning mga orig.
Pagsanpot kang banda
Sa patio man o sa plaz
Repique de campanas
Condespara de bombas.
Sa solemneng Misang orkestrada
Tinapay binaak para sa tawo
Sa altar nin simbahan;
Dagos sa puestong ning kaharongan,
Tinagba para sa kagurangnan.
Mga tawong talagang maogma:
Karawat ning mga aki sa plaza,
Sarayaw kang mga escuela,
Dakul pang mga chicheria.
Pagkabaggi, sa prosisyon
Caibahan ang Mahal na patron.
Sa tanog kang bombo ni Pructo
Totoong mamundo ang mga tawo.