ngata ta pirmi nang piga bahâ ang mindanaw
diit diit na uran, grabeng bahâ
na pierde baco sanang kabuhayan
kundi sagcod na ang katawohan
caidto dai man an piga bahâ
dai ngani midbid diyan ang bagyo
pero kang ubuson su kakahoyan
pero kang ubuson su kakahoyan
ning mga hunyagong para-troso
na sugo ning mga poncio pilato….
atang ugo na su mga pungko
kinarus pa ning mga minero
kaya pag mina uran, gabos minaburus
sa kaibabaan… sa kabanwahan, sa katawohan
ta dai na su kakahoyan na bantay ning natura
higupon ang tubig dangan ibalik sa atmosfera
iyo man ang nangyari sa gabos na kapungkohan,
paitaas, sa kabisayaan, sa luzon abot sa cagayan
naubos su kakahoyan ning sierra madre, caraballo
maski pa ngani sa mga kapungkohan sa kabikolan
maski dindi sa satong islang maogma…..
dati mayaman kita sa kakahoyan; ngonian haen na
salamat ta igwa pa kitang natadang maski diit na sana
salamat ta binawal ang pagmina sa satong isla; kutan-a…
mientras tanto, ano daw ang dapat gibohon ning tawo
tanganing makarikay dindi sa padlos ning naturaleza
sa VENGANZA NING NATURA?!