napreso ako sa malinig na cuarto
aircon, con todo cortina, pintado
pero ang rehas reglamento
sinûsô ako dindi sarung banggi
ning pastidyong virus
ta dai na gasarampot ang hinangos
salamat sana ta handa ang ospital
kang mga equipage sagcod medicina
tanganing contrahon ang pesteng ini
ang kauumok pa, ta
alisto, mahigos buda maboot
ang mga frontliners
ang mga doctor, mga nurse, etcetera
kaya ngonian namate kong
ayad na ako!
pwerte ang pagkaturog
normal ang paghangos
dai piga kalentura
daing maculog sa ginhawa
normal ang pangnamit
saka regular man pagCR
pero ngata ta nangyari ini sako?
sa sakong paghurop-hurop
tinao ini ning mahal na Dios
bacong pagcastigo kundi magpagilumdom
na ladupon ko ang sakong buhay
suysuyon ang ginicanan
sagcod ang padudumanan
kung asa tamang dalan
ang pigahonang pesteng virus
sugo palan ning mahal ning Dios