Apat na taon pakarihis kang pag-alburoto ni Rolly sa Baras, Bato, Virac y San Andres, rinugado man ni Pepito an Gigmoto, Viga, Panganiban, Bagamanoc, Pandan y Caramoran.
Kung ano an eksaktong danyos na hinubon kan super typhoon, bako pang claro sarong aldaw maglayas an bagyo ta dae pang mga report na isinumitir ang mga DRRMO sa mga banwang ini.
Igua man talagang efecto an dasal nin comunidad, minsan iba-ibang pagtubod, ta kang hapon na Sabado, nagbari nin diit pa-northwest an direksyon kan bagyo.
Kung ini nagdiretso sa pigaasahan na rut ana matama sa Baras balda nin Caramoran, enterong onceng municipio an nakamati nin kusog kan hangin caini.
Magpasalamat kita sa Diyos asin sa mga local na opisyal na an gabos ligtas.
*****
Bakong masyado an uran na dara ni Pepito bakong arog kan binuhos ni Kristine.
Kung an bitbit ni Kristine sarong swimming pool an tubig, baging magcapirang drum sana an dinar ani Pepito.
Bagui man na mga politicong maribok, grabe an sihong pero diit an panartag na relief, hinagadan man sana, he! he! he!
*****
Magayon maimbestigaran an magcapirang hardware store sa banwaan nin Virac na biglang naghalangkaw kan presyo nin materyales, lalo na mahibog na plywood pati phenolic board, na gagamiton kan mga ciudadano para harangan an hangin asin uran nin gaabot na bagyo.
Sala an gibong ini kan mga daeng calag na cagsadiri, bakong arog kan pagtao nin libreng pako y tie wire kan Emerald Hardware sa mga nangangaipo sa mga oras na gapreparar an banwaan.
Cotana kinua kan DTI an normal na presyo kan mga barakalon na construction materials sa mga hardware na ini bago pa man nag-abot si Pepito tanganing makasohan an mg aini nin profiteering, lalo na ta nasa irarom pa kita nin state of calamity dahil qui Kristine.
An mga nakabakal nin overpriced na plywood, phenolic board asin iba pang mga gamit dapat magpakopya kan resibo y itao sa DTI Catanduanes tanganing mapunan an pagreparo sa mga makicuartang mga negocianteng dae gaisip kan camogtacan nin mga pobreng ciudadano.
*****
Igua man siyempreng mga matagas an payo na habo makisampot sa evacuation center o caya sa matibay na harong nin kanatad.
Iguang mga nagluwas na pangapodan sa social media na gahagad nin rescue alagad dae puedeng acuderan ta sobrang delicado an panahon dahil sa makusog na hangin.
Cotana helingon man ninda an babaryohan kung dae marumpag nin bagyo tanganing makadesisyon na magbaryo sa evacuation center na semento an atop.
Sa panahon nin calamidad, dae dapat magpasusuhay ta bako sana an buhay mo an nakataya kundi an kaligtasan kan mga maacudar saimo.
*****
Bigla daang nagviaje papuntang Maynilang kayganda an amo sa DPWH Catanduanes District Engineering Office kan nacaaguing semana.
Maguiromdoman na bago ini, sinuspendi ni DE Simon Arias an masunod na duwang pa-bidding kan mga proyecto sa Isla Maogma.
Dae daa naogma an saiyang mga tunay na amo sa Batalay House of Representatives ta an nanggana kan anom sa pitong proyecto na pagbidding kan Nov. 5, an kalaban na contratista.
Ta hinababaan an presyo nin labing quince porciento, naderota daa an mga contratista nin Batalay Pambansa.
Entonces, daeng kukubrahon si madam asin si ser nin deligencia posibles sa patrabaho kan saendang mga contratista. Afectado an fondo para sa maabot na campanya, lalo na sa ultimo hora, he! he! he!
Iguang masamang binabalak si DE Simon. Puedeng gahanap na ini nin babaryohan o gugulangan an saenyang mga tunay na amo, he! he! he!