Saro, duwa, tulo, apat

na aldaw ning gracia

sa tahaw ning ‘el niño”.

 

uran sa pagka-aga,

tagisti sa hapon;

langit na pano

ning panganudon.

 

su mga pahang daga

biyong naghararâhâ;

nagsarayaw su mga burak;

su mga dahon nagparalakpak.

 

talagang maogma

sa mafreskong banwa.

 

ang mga nataman na lugar,

Tanganing mapa-uran,

mina-gamit ning eroplano

saka mahal na kemikal

 

sa satong isla

mina-uran ning gracia,

sa daing tunong na pagdasal

kang ORATIO IMPERATA.

 

ang yaman ning pobre

iyo ang danay na paghurandig

Sa SANDIGAN NA TOTOO!