…kung inuruban nang

pahanap-hanap kang mauram

na kadunongan;

 

…kung paradad na

sa pagbogong kang

magabat na nagbuhay;

 

…kung nagkahararap na

sa pusuan na pagsagrap

sa matunok na daran;

 

…kung nagkaburungog na

sa daing tunong na paginyog

kang tagingting ning sinsilyo;

 

…kung naparatos na ning piligis

ang dating mayumhok na pisngi

sa grabeng init ning paghirit…

YA ANO MAN; BASTA BUHAY!

 

boda, ang pinaka-importante:

nakua na ang bulawan

na adian man sana

sa satong daghan.

 

————————-