Pagbatak ning kaagahon

Kidayad maglakaw-lakaw

Sa daragsaan kang dagat

 

Sa lambang pagkalahod

Sa malinig na baybayon

Kang bitis na ngimon

 

Biyong mina-uraptik

Gakaratusmag na kibit

Maski mga padad na tulang

Mina-ralagatukan

 

Kaya ang ginhawang gurang

Na pigapatunong ning panahon

Mina-arimpuhat sa dagat

 

Na lalong mina-isog

Sa mainit na silyab

Kang hadeng mariwanag.

 

Dangan ang hapihap kang dagat

Huhoy na nakapagian sa magabat

na posas ning pagka-gusngab.

 

Puerteng pagmate

Maogma na paghungay

Sa Dios na kaglalang

 

Pagbatak ning kaagahon!

 

 

Published in CT June 21, 2017