saen daw guminikan

ang gayon kaining

LUOY _LUOY*

na macusog ang cugos

sa sanga ning mangga

dian sa laguerta.

 

dai nangangaipong

burak: tama na ang

mga rangubong dahon

na baging abanikong

gabilikrad paitaas.

 

dangan ang nakapalungay

nyang frescong mga buhok

na binaribhi ning tagisti

na biyong gasilaksigak

sa silyab ning kaagahan.

 

inay!

hitsura kasu modelo

sa tv na gakururiyat

ning kabubuwaan sa

panluluko ning tawo.

——————

*Luoy-luoy – sarong klase ning

manaro

 

Published in CT on November 28, 2012