ano daw ang mangyayari
pag kinontra ang natura?

inda sana; pero hilnga,
huyan ang mga ebidensya:

inugo su mga pungko
kuminusog su bagyo.

tinampong su mga kare,
hinarungan su sapa-sapa
kinudal su sabang
tinambunan su suba –

duminacula su baha
tubig dai na gahupa.

hinilo so sapa
nawara su sila.

ya kung mismong iligan
kang buhay na sinapupunan

tampungon o hilohon
ning mga contracepsyon?

inda sana caan; pero
sabi kang mga gurang

“ang balos daing sukol;
ang basol magatol.”

Published in CT on October 17, 2012