maogma ang harong

na pano nin kaakian

ga karawat, hurutaan

hararahaan

 

surugutan, huruyaan

iliwar….burukodan –

(sa pasuhay-suhay,

lalong mina kusog si Iyay)

dangan, gururuan naman.

 

pag-uha ni ubu

pagburukod sa kuwarto;

harangra sa tugang,

sayaw-kanta si Nanay.

 

“uya na si Tatay!”

pailinutan pag amen:

kaliribukan na naman!

(nawara su ngaro ning ama.)

 

Sa pagkaon, gabos harampang:

cosidong atuloy/

pritos na turay/

ninatkan na kalunggay/

maripating linimunan –

tunay na pinasilam

ning simpleng kaogmahan.

 

bago magkaturog

sa altar minaluhod:

“salamat sa pagkamuot;

saimo, Dios, mabalos!”