buhay na kudal

sa vierdeng laguerta

contra ning mahábon

ta naribot ning tonok

 

pag namurak siya

namuragâ, pagkapinula

maski sa harayô, midbid na

dapdap talaga, daing duda

 

inano daw ang hamis

mga burak nyang pula

ta maski gapa-aragawan

dai lamang ga-iliwar

 

su pisiw, biyong gasiliwik

su paragô, gakaon, gaguro

su kiyaw, siging kurikitaw

piesta talaga poon na aga

 

igwa pa ning tagong yaman

reserva man sa katawohan

medesina ining malalaoman

ang tonsil dai maobra

maski U.T.I. kayang-kaya

sararoan, daing orotrohan

 

kahoy na daing bunga

pero kudal na masasarigan

medesinang malalaoman

kayamanan ning mga gamgam

 

dapdap.

 

(Published in CT on March 18, 2015)

—————————————————————————

N.B. Ang “l” o “r” na igwang underline sabihon tabi sa dilang Viracnon