noarin daw mahilom ang mga lugad;

o mapara ang mga kulog

na tinusok sa puso sa pagbuyagyag

ning mga sikretong iningat-ingatan?

 

noarin daw mahare

ang mga duging sinabuyak

sa buhay ning mga honorable

boda sa mga gustong maging honorable?

 

mapahid man ang dugi,

matunaw man ang tiunay;

igwang mga kalag na mayugyog

 

sa katrankilohan ning banggi

na mapa-gilomdom kang mga rinti,

mga kikilat boda mga hagusohos

kang panahon ning eleksyon.

 

pero sa ibabaw kang gabos,

adian ang paglaom ning kadaklan:

na ma-otob so mga pangakong-

tunay na serbisyo sa mga tawo

boda pagbabago sa satong gobierno.