huyana, huyana

namaragpag na baga

biyong pigakurahaw

ang karinasan ninda

 

tangkason ang mascara

midmidon ta sinda

 

igwang mga tugparak

uktoy sanang uktoy

nugayod sanang uktoy

nugayod minalayog

pasini pasiton

daing direksyon

 

ang iba karibangbang

ang saindang kaogmahan

sa dakur na kaburakan

maugay pag minaaldaw

maluya pag minauran

 

huyan man ang rawâ

modelo sa tiagâ

galampaw gacanap gaabyug

sa sadile nyang iput

harong nyang magayon

ginibo nyang patibong

 

adian man ang aruy

malinig makintab maputi

ang payo saladatuy

dakula ang tulak

mahigos sa kadurman

harong na nasamputan

kaya nyang gabâon

 

huyan man ang tánga

disiplinado mahigos macusog

magalang sa kapwa tánga

maisog sa kalaban ninda

maogma sa katilipunan

ang gibo para sa kagab’san

 

sisay ang pipilion

siasaton siasaton

antes mag-eleksyon

 

Published in CT March 3, 2010