dating bahur-bahur na bato

Kaparte ning pungko.

pag rinog, ruminangpahog;

naglampaw sa bahaw;

rinukot-rukot

sa surog ning sarog;

binarad sa basud;

nagbaha, sinagara sa suba.

 

naka-abot ning dagat –

kinawat-kawatan

ning pilyong lungso –

bubutongon sa lawod,

pag suoy –

hinumok-humok

sa daragsaan….

 

oru-otro…oro-utro!

 

pilang taon –

ginastos?

rinibo?

minilyon?

 

ngonian, nagi nang babayon

ang iba maputi,

su iba maitom.

pero

parehong magayon.