mahibong subong, may dilang matarum;

pusong macusog sa higop ning ambisyon;

totoong harangkaw ang tinurunan;

riningwan ang sainyang kaibahan.

 

pero, sabi kang kamagurangan;

butong hari baya pagpakapahalangkaw

ta tibaad sa mga maabot na aldaw

dai ka na matanaw.

 

kaya imbes na lalong magturon

nakamatid ning mahuyong pagsukong;

hinuba pati su magatol na gubing

mamuhay na kasabay ang kapwa-butong.

 

tuyong naki-uyon sa ano man na panahon:

huyop-huyop ning hangin, maugmang gakanta;

ragit ning init, tunay na bahian sa katagasan.

 

hilnga ngani kung macusog ang bagyo –

minatabyon, minasayaw, minadapa;

pero, pag ang arimpuros naghupa,

bagong saha ang minabutwa.