ano daw ang mangyayari

pag kinontra ang natura?

 

inda sana; pero hilnga,

huyan ang mga ebidensya:

 

inugo su mga pungko

kuminusog su bagyo.

 

tinampong su mga kare,

hinarungan su sapa-sapa

kinudal su sabang

tinambunan su suba –

 

duminacula sa baha

tubig dai na gahupa.

 

hinilo so sapa

nawara su sila.

 

ya kung mismong iligan

kang buhay na sinapupunan

 

tampungon o hilohon

ning mga contracepsyon?

 

inda sana can; pero

sabi kang mga gurang

 

“ang balos daing sukol;

ang basol magatol.”